Húsið fullreist
Allar byggingareiningar eru komnar á sinn stað við Hringhamar 43 og húsið er fullreist. Nú tekur lokafrágangur við inni og úti, með áætluðum verklokum 1. mars 2027.

Öll 99 rýmin eru eins, 28 m² nettó. Hvert rými er einbýli með stofu og svefnaðstöðu, rúmgóðu baðherbergi, fataskáp og lítilli eldhúsinnréttingu með vaski og skápum.
Rýmin eru framleidd í verksmiðju Volumetric Building Companies (VBC) í Póllandi og koma til landsins í heilum einingum, tvö rými með baðherbergjum og gangur á milli. Gólfefni, baðherbergi, eldhúsinnrétting, fataskápur, braut fyrir loftlyftu, loft og lýsing eru frágengin í verksmiðjunni. Á staðnum eru einingarnar tengdar saman og sameiginleg rými hjúkrunarheimilisins fullfrágengin. Myndirnar eru af fullbúnu rými eins og það kemur úr verksmiðjunni.




Húsið skiptist í níu heimiliseiningar með 11 íbúum í hverri. Í hverri einingu er rúmgóð setustofa og borðstofa með eldhúsi og vinnueyju þar sem starfsfólk hefur góða yfirsýn. Á hverri hæð eru svalir sem tvær einingar deila og vestan við húsið er garður sem sést frá öllum deildum.
Á jarðhæð er bjart anddyri, fjölnotasalur, sjúkraþjálfun með aðgengi út í garðinn, hárgreiðslustofa og fótaaðgerðastofa. Í norðurálmu jarðhæðar eru 11 rými í sérstakri einingu fyrir íbúa sem þurfa rólegra og afmarkað umhverfi, með aðgengi að garði.
Húsið er hannað frá grunni sem hjúkrunarheimili eftir viðmiðum ríkisins. Sóltún heilbrigðisþjónusta lagði hönnuðum til reynslu sína af rekstri hjúkrunarheimila. Skipulagið gefur starfsfólki góða yfirsýn og skapar réttar vinnuaðstæður og flæði sem henta vel daglegum rekstri.



Húsið er byggt úr 111 húseiningum úr stáli sem eru framleiddar í verksmiðju Volumetric Building Companies (VBC) í Póllandi á sama tíma og jarðvinna og grunnur eru unnin í Hamranesi. Einingarnar koma með tveimur skipum til Hafnarfjarðar, eru hífðar á sinn stað og boltaðar saman.
Þannig er hægt að vinna marga verkþætti samtímis og stytta byggingartímann verulega. Aðferðin er ný við byggingu hjúkrunarheimila hér á landi en hefur verið notuð erlendis um áratugaskeið. Kröfur um efni, frágang og öryggi eru þær sömu og í hefðbundinni byggingu, þar með talið vegna vinds og jarðskjálfta.
Á leiðinni til Íslands eru einingarnar klæddar til varnar og líkjast gámum, en inni í þeim eru fullbúin hjúkrunarrými. Húsið er einangrað að utan á staðnum og klætt álklæðningu í samræmi við teikningar.













Allar 111 húseiningarnar eru komnar á sinn stað við Hringhamar 43. Nú tekur lokafrágangur við inni og úti, með áætluðum verklokum 1. mars 2027.









Allar byggingareiningar eru komnar á sinn stað við Hringhamar 43 og húsið er fullreist. Nú tekur lokafrágangur við inni og úti, með áætluðum verklokum 1. mars 2027.

FSRE hefur tilkynnt Hjúkrunarheimilinu Hamranesi að tilboðið um hjúkrunarheimili við Hringhamar 43 hafi verið valið í markaðskönnun um hjúkrunarheimili á höfuðborgarsvæðinu. Endanleg samningsgerð er háð því að samkomulag náist við FSRE um skilmála leigusamnings.

Fyrri sending byggingareininga kom til landsins í september og síðari í október. Einingunum, 111 talsins, er ekið í lögreglufylgd frá Hafnarfjarðarhöfn og þær hífðar á sinn stað og boltaðar saman.

Sökklar og botnplata hjúkrunarheimilisins voru steypt á vor- og sumarmánuðum. Einingaframleiðsla í Póllandi fer fram á sama tíma, sem styttir byggingartímann.

Jarðvinna hefst á lóðinni við Hringhamar 43 í Hamraneshverfi í Hafnarfirði.
Hjúkrunarheimilið Hamranesi ehf. á og byggir húsið að Hringhamri 43. Félagið er í eigu Stafa – hjúkrunarheimilis hf.
Verkefnið hefur verið í undirbúningi frá 2023 þegar Hafnarfjarðarbær auglýsti lóðina. Húsið var hannað af ARKÍS arkitektum ásamt verkfræðistofum og öðrum hönnuðum sem taldir eru upp hér að neðan. Sóltún heilbrigðisþjónusta, sem rekur Sóltún í Reykjavík og Sóltún við Sólvang í Hafnarfirði, sat í rýnihópi með hönnuðum og verkefnastjórum og lagði til reynslu sína af rekstri, svo að skipulag og efnisval tækju mið af daglegum rekstri hjúkrunarheimilis.
Stafir – hjúkrunarheimili hf. eru í eigu fagfjárfesta. Meðal eigenda eru Íslensk fjárfesting, Sjóvá, Birta lífeyrissjóður, Fossar fjárfestingarbanki og Lífeyrissjóður Vestmannaeyja.